Protestas dos traballadores e traballadoras da función publíca.

Os funcionarios saen á rúa da Coruña de novo para protestar contra os recortes

Cortaron de novo o tráfico por toda a cidade

Escrito por:

M. Rei | G. Lemos / La Voz de Galicia

A Coruña 26 de xullo de 2012               

CESAR QUIAN

Os funcionarios volveron a saír á rúa na Coruña de novo para protestar contra os recortes. As concentracións repetíronse en varios puntos da cidade como a praza de María Pita, o Hospital da Coruña, na Delegación de Facenda ou ante o edificio administrativo da Xunta en Monelos, e houbo cortes de tráfico en distintas rúas.

Uns 250 traballadores do Chuac cortaron a estrada das Xubias na concentración desta mañá. Unha pancarta que rezaba «Non aos recortes na sanidade pública» encabezaba a marcha. O atasco orixinado pola protesta chegou á altura dos Castros. Con todo, os empregados do hospital fixéronse ao carón cando chegou unha ambulancia do 061 que trasladaba a un paciente, entre o aplauso dos manifestantes. Ao finalizar a marcha, a comitiva detívose ante a porta do hospital, onde chamaron a concentrarse a todos os funcionarios afectados polos recortes na manifestación do próximo luns 30, ás 18.30 horas.

Na praza de María Pita unhas 150 persoas manifestáronse ante o Concello da Coruña con pancartas e chifres.