segunda-feira, 31 de dezembro de 2012

Pelotazo urbanistico no Agra de S. Amaro e Adormideras.

Comunicado Oficial Esixencias 2013

Do mesmo xeito, denunciamos o posicionamento belixerante do Concello da Coruña ao boicotear calquera intento de diálogo que permita a resolución dun problema que afecta ao conxunto da cidadanía coruñesa. O Goberno Municipal liderado por Carlos Negreira, empregou efectivos policiais perante unha veciñanza que, de maneira pacífica e por vías democráticas, tentou amosar o seu rexeitamento a un acto especulativo sen presecedentes na nosa cidade.
Insistimos en sinalar que os promotores da Agra de Santo Amaro non teñen dereito a ningún tipo de compensación posto que ditos Estudos de Detalle son nulos de pleno dereito ao non contar co visto bo nin estar informado Patrimonio Cultural no seu momento.
Con iste comunicado anunciamos un incremento das mobilizacións sociais co fin de acumular as forzas precisas até conseguir os nosos obxectivos e as nosas esixencias:
1.- Recoñecemento da Comisión de Afectadas/os das Durmideiras e a Asociación Veciñal Atochas – Monte Alto como interlocutores no conflicto e recibimento oficial por parte do alcalde Carlos Negreira das mesmas.
2.- Paralización inmediata do “Pelotazo das Durmideiras” que procura a construción dun centro comercial e un edificio de 330 vivendas no xardín natural da Praza Galatea.
3.- Cese inmediato da persecución e o emprego das forzas de orde público contra o tecido social e cultural da nosa cidade.
A Coruña, 30 Decembro 2012
A.V.V. Atochas – Monte Alto – Torre de Hércules

Imaxes da comida de empresa no INEM - Orillamar, cortesia de Andrea.


quinta-feira, 27 de dezembro de 2012

Xoves, 28 de decembro,ás 12:00 h no INEM de Orillamar a tomar o bocata ! (Non é unha brincadeira ! )


O real mensaxe.


PREPARANSE MOVILIZACIONS EN TODA GALIZA.

9 mil desaloxos despois, Galicia manifestarase contra os desafiuzamentos

26.12.12/Redacción | @prazapublica


En Galicia prodúcense 17 desafiuzamentos cada día, 120 á semana. Todo, mentres no país hai preto de 38.000 vivendas baleiras sen estrear, tal e como se tira dos datos que facilita o Goberno central. En total, máis de 9.000 desafiuzamentos dende 2007 en Galicia, que podería superar os 10.000 ao final de ano, xa que agora o CGPJ tamén contabiliza os datos dos xulgados de primeira instancia e, polo tanto, daquelas pequenas localidades sen servizos comúns de notificación.
En Galicia prodúcense 17 desafiuzamentos cada día, 120 á semana. Todo, mentres no país hai preto de 38.000 vivendas baleiras sen estrear
No conxunto de Estado, e tan só no que vai de 2012, as autoridades xudiciais procederon ao embargo de máis de 500 inmobles ao día até xuño, que fai un total de case 95.000 desafiuzamentos. Desde 2008, a cifra supera os 260.000 expedientes. Un drama de dimensións masivas e silencioso moitas veces, un silencio roto de forma violenta polos varios casos de suicidios de persoas que viñan de perder a súa vivenda. E un silencio que tamén rompeu o traballo dos colectivos e plataformas que loitan contra os desafiuzamentos encargados polas entidades bancarias.
As marchas, baixo o lema desafiuzar = asasinar, percorrerán as rúas de Compostela, Lugo e Ferrol, á espera de que se concrete algunha nova convocatoria noutras cidades
Tres marchas, baixo o lema desafiuzar = asasinar, percorrerán as rúas de Compostela, Lugo e Ferrol este sábado, á espera de que se concrete algunha nova convocatoria noutras cidades. Nas tres marchas lerase un manifesto que inclúe as reivindicacións que dende hai meses veñen repetindo estes colectivos: comezando pola paralización das execucións e a posta en marcha da dación en pago con efecto retroactivo acompañada da opción de aluguer social e a creación dun parque público de alugueiro social das vivendas usurpadas pola banca. Tamén se demandarán "responsabilidades xudiciais e políticas" aos responsables desta situación.
Finalmente, pídese que que as administracións se fagan cargo da defensa e asesoramento legal das familias que son vítimas dunha auténtica persecución bancaria, creando puntos de atención comarcal ou municipal financiados polos orzamentos públicos en colaboración cos colexios de avogados. E lémbrase que "o dereito á vivenda debe estar á marxe do mercado".
O manifesto salienta que "os culpábeis desta situación non son entes abstractos"
O manifesto salienta que "os culpábeis desta situación non son entes abstractos. Non son primas de risco, nin subidas ou baixadas do Euribor. Os culpábeis son os executeores das políticas neoliberais e os banqueiros que durante décadas só se preocuparon de encher o peto, sen pensar nin un intre no tipo de crecemento económico que estaban a xerar. Esta burbulla inmobiliaria estoupou pero non nos mollou a todos por igual. Mulleres, migrantes, menores, obreiros e obreiras, somos os que estamos a pagar os atropelos dos Aznar, Botíns, BBVs, Zapateros e Rajoys".

Convocatorias:

Santiago de Compostela. 20 horas. Praza Roxa
Lugo. 20 horas. Praza Maior
Ferrol. 19 horas. Praza Amada Garcia.

sábado, 22 de dezembro de 2012

Duro comunicado do Colexio Oficial de Medicos de A Coruña.

Os médicos da Coruña rebélanse ante os "inadmisibles" recortes dunha Xunta "irresponsable"



Os profesionais sanitarios volven rebelarse ante os recortes da Xunta. Logo de que os sindicatos médicos acusaran a Feijóo de "pasar a liña vermella" cos axustes, agora é o Colexio Oficial de Médicos da Coruña o que emite un duro comunicado no que cualifica de "irresponsables" as medidas levadas a cabo polo Goberno galego, como a redución salarial do 4% aos funcionarios anunciado este venres, e no que aseguran que é "ética e moralmente reprobable manter o irracional aparato administrativo do Estado e o indecente número de cargos públicos a conta da saúde pública dos cidadáns".
A través dun comunicado titulado Así non, e colgado na súa páxina web, os médicos colexiados da Coruña amosan o seu "enérxico rexeitamento" ao novo recorte salarial aos empregados públicos, que supón "un novo descenso nos soldos dos médicos" que, en menos dun ano, "xa foron recortados en máis dun 20%. Ademais, os profesionais sanitarios consideran "reprobable" a forma na que se adoptou esta medida, "de costas aos profesionais".
O comunicado critica que os recortes se fagan "de costas aos profesionais" sanitarios
O Colexio Oficial de Médicos lembra que sempre apostou polo "diálogo, a responsabilidade, a profesionalidade e a lealdade" nas súas relacións coa Administración Sanitaria, trasladándolle propostas de solución aos problemas -como o documento presentado a Feijóo hai dúas semanas- que foron respondidas "cun novo recorte salarial sen terse antes adoptado reformas que ataquen a cerna dos males do sistema". "Non somos partidarios de recortes fáciles e alleos a unha cuestión irrenunciable: dar unha atención de calidade ao paciente".
Así, os médicos cren que "chegou o momento" de que os responsables políticos "anuncien o déficit do Sergas e os seus males", en lugar de "especular coas cifras". "Que nos digan a verdade sobre a débeda e que nos conten onde está o problema", reivindican, tras insistir en que é "totalmente inadmisible" que se recorte "na Sanidade sen antes adoptar medidas drásticas noutras estruturas políticas e administrativas do Estado". "Goberno central, autonomías, deputacións, concellos e multitude de organismos acollen unha inxente cantidade de cargos e asesores que viven a costa do erario público", lembran.
Os médicos denuncian que as súas propostas de solución son respondidas con recortes e piden á Xunta que "anuncie o déficit do Sergas e identifique os seus males"
Por último, o comunicado da xunta directiva do Colexio cualifica de "irresponsable e de falta de coraxe política" a actuación dos que gobernan, malia o que aseguran que se "reafirman" no seu compromiso "coa calidade do acto médico, cos paciente e coa sociedade no seu conxunto". "Tamén en crise, estaremos á altura do que nos demanden os cidadáns", rematan.

sexta-feira, 21 de dezembro de 2012

VERGOÑA !

En Galicia hai 133 persoas sen fogar por cada 100.000, case o dobre que no Estado

Redacción | @prazapublica

Por cada cen mil habitantes, no Estado hai 71,3 persoas sen fogar. Esa é a media que é superada por só catro territorios en España: Melilla, con 638,4 por cada cen milleiros de cidadáns, e Ceuta (549,9), seguidas de Euskadi (141,3) e Galicia (133). Xa que logo, o país é a cuarta comunidade autónoma onde máis persoas sen fogar por cada cen mil habitantes.
Ademais, e en canto ás maiores porcentaxes de persoas sen fogar, os datos de Galicia non son moito mellores. Sitúase no quinto lugar, cun 8,3%, só superada por Cataluña (21,3 %), Madrid (15,4 %), Andalucía (13,1 %)e o País Vasco (8,7%)
Galicia é a cuarta comunidade con máis persoas sen fogar por cada 100.000 habitantes e a quinta en porcentaxe (8,3%)
Así se tira da Enquisa ás Persoas sen Fogar do Instituto Nacional de Estatística (INE), que sinala que nos centros de atención á poboación sen casa deuse asistencia a 22.938 persoas. O 45% dos cidadáns que quedaron sen casa neste 2012 perderan o seu traballo. Outro dos motivos que destacan á hora de perder o fogar é o de non poder facer fronte ao pagamento da vivenda (26%), separación da parella (20,9%) ou por desafiuzamento (12%).
Ademais, o 31,9 % das persoas levan menos dun ano sen dispor dun aloxamento, o 23,6 % entre un e tres anos, e o 44,5 % levan máis de tres anos sen fogar propio. En canto á nacionalidade, o 54,2 % son españois e os 45,8 % estranxeiros,

quinta-feira, 20 de dezembro de 2012

Interrompido pleno do "parlamentiño". O PP fuxe o PSOE tamen responsable trata de salvar os mobeis..

A desesperación das preferentes rebenta no Parlamento




"Isto tiña que acabar pasando". Esta foi unha das frases máis repetidas esta mañá nos corredores do Parlamento de Galicia, onde o primeiro pleno ordinario da lexislatura foi interrompido polas protestas de persoas afectadas polas preferentes das antigas caixas galegas, aínda que cunha tensión e virulencia inéditas. A desesperación dos homes e mulleres que perderon os "aforros da súa vida" por mor dos "enganos" da actual Novagalicia Banco concretouse en seis persoas procedentes do Rosal e Santiago. Achegáronse ao Pazo do Hórreo para escoitar unha interpelación ao Conselleiro de Economía sobre a súa problemática e non foron quen de conter a súa indignación.
"Mentira!", exclamaban dende os seus asentos ante as explicacións do conselleiro de Economía, Francisco Conde, que lle respondía ao PSdeG que a Xunta actuou "dende o primeiro momento". Pero ao rematar o debate a tensión estourou. "Non vos imos deixar", "ata a morte, senvergoñas!", berraba unha muller do Rosal que antes explicara que un "directivo" da oficina da entidade na vila a convenceu para destinar ás preferentes todos os seus aforros, "dos do meu home e os da miña filla". "Nós non fomos á caixa, viñéronnos buscar á casa", relatou dende a tribuna cara ao hemiciclo un veciño de Santiago, quen antes detallara que os cartos "estafados" procedían da expropiación do seu restaurante, que tivo que pechar polo paso das vías do AVE sobre o seu terreo.
"Aquí vai correr o sangue!", clamou entre bágoas un dos afectados
"Vai correr o sangue", "un director xa foi apuñalado", advertía entre bágoas o mesmo afectado compostelán mentres, atónitos, deputados e deputadas de PSdeG, AGE e BNG contemplaban o que acontecía e, paulatinamente, ían achegándose para tentar calmar a situación. Xosé Manuel Beiras (AGE), Carmen Gallego (PSdeG), Ana Pontón e Carlos Aymerich (BNG) e, sobre todo, o portavoz nacionalista, Francisco Jorquera, lograron acougar levemente ás persoas máis alteradas. Mentres, os traballadores do Parlamento que, en condicións normais, terían desaloxado a protesta, sumábanse con xestos de agarimo á tentativa de que retornase a calma tanto na tribuna de convidados como no corredor, onde unha das afectadas padecía unha crise de ansiedade. No hemiciclo os deputados do PP xa abandonaran os seus escanos e o voceiro socialista, Pachi Vázquez, reclamáballe "comprensión" á presidenta, dada a escena de "desesperación" á que viñan de asistir.

"Non nos van amedrentar"

"Nós tamén somos cidadáns aínda que non lle votemos ao PP", din, tras coñecer que perderán, como mínimo, o 40% dos cartos
Antes dos incidentes, dos maiores que se teñen vivido nunha protesta destas características, algúns dos afectados explicaran ante a prensa os motivos do aumento da súa preocupación. "A situación é fodidísima, así de claro", resume Argimiro Martínez, afectado do Rosal que reclama a devolución dos 12.000 euros que aforrara. "Ata agora foi todo moi bonito, fixéronse cantidade de propostas durante a campaña electoral", especialmente por parte "da señora Nava Castro", actual deputada e directora xeral de Consumo na anterior lexislatura. "Comprometéronse con todos, dixeron que se gañaba o PP teríamos arbitraxe para todo o mundo". Pero agora o Goberno central anuncia que, como mínimo, perderán o 40% dos seus cartos.
Igual de desesperada amósase tamén Ana Belén Álvarez. "Que busquen onde sexan, pero non imos perder un peso". "Se ten que haber sangue, haberá sangue", como se "ten que baixar o río Miño cheo de sangue", ilustra para reclamar que os representantes políticos "deixen de discutir" e solucionen o problema. "Nós tamén somos cidadáns, aínda que non sexamos votantes do PP". "Quero os meus cartos, nada máis", xa que "o único que fixen foi aforralos". A protestas continuarán e farano "caia quen caia", asegura, porque "non nos van amedrentar".

Loita dos traballadores e traballadoras de Atento.

Paros e concentracións en Atento na Coruña

CGT/Coruña


O vindeiro xoves día 20 celebrarase, ás 10:40 horas, o xuizo polas reduccións de xornada levadas a cabo pola empresa no CAT ADSL no pasado mes de marzo.
Estas reduccións de xornada afectaron a 180 traballadores e foron rexeitadas frontalmente pola CGT, denunciando a pretensión de la empresa de ejecutar una reducción de jornada innecesaria e premeditadamente fraudulenta, discriminatoria e abusiva.
En coincidencia co xuizo terá lugar unha concentración entre as 10:30 e as 12:00 horas diante das portas dos xulgados. O Comité de Empresa ten convocado un paro entre as 10:00 e as 12:00 horas dese mesmo día para que todos os traballadores e traballadoras podan acudir á concentración convocada diante dos xulgados.
A Sección Sindical da CGT en Atento Coruña chama a atención sobre a importancia de secundar o paro convocado, e fai un chamado para acudir á concentración co gallo de facer ver e oir a voz dos traballadores e traballadoras de Atento.

SOLIDARIEDADE CO COMPAÑEIRO LÓPEZ PINTOS

Concentración en apoio á López Pintos o xoves 20 de decembro nos xulgados de Ferrol

Ás 9:30 horas, coincidindo coa apertura de dilixencias previas por mor da denunciar presentada por delito de tortura
A Executiva comarcal da CIG ten convocada unha concentración no Pazo de Xustiza de Ferrol o xoves, 20 de decembro, ás 9:30 horas, en apoio ao compañeiro Xesús Anxo López Pintos, citado polo Xulgado para as dilixencias previas que se abren por mor da presentación, no seu momento, dunha denuncia polo delito de torturas.
A presentación da denunciar produciuse tras da súa detención o día de inicio da campaña das pasadas eleccións autonómicas no transcurso dun acto de protesta convocado polos Comités de Empresa de Navantia e Poligal e no que participou, xunto con centos de compañeiros e compañeiras, na defensa dos seus dereitos laborais e dos seus postos de traballo.
“A Executiva comarcal da Confederación Intersindical Galega ratificase na posición xa expresada a respecto da nosa intransixente (esta si) defensa do sistema de garantías e liberdades conquista histórica do movemento obreiro. Sen Estado garantista non hai democracia e isto exclúe calquera forma de dano físico ou psicolóxico que se lle poda infrinxir aos/ás detidos/as”.

Dende A Coruña en Loita sumamo-nos no apoio ao compañeiro López Pintos e a denuncia da brutalidade policial contra os traballadores e traballadoras.

HOXE CONCENTRACIÓN !

A Alianza Social Galega chama a cidadanía a concentrarse o 20 de decembro nas principais cidades e comarcas galegas

Rexeita os novos recortes impostos polo PP
As máis de 60 entidades que conforman a Alianza Social Galega fan un chamamento a participar nas mobilizacións convocadas para este xoves, día 20 de decembro, nas principais cidades e cabeceiras de comarca. Mobilizacións coas que se queren denunciar as políticas antisociais que está a adoptar o goberno do PP e entre as que salientaron a non revalorización das pensións, os recortes na sanidade e no ensino públicos e a contrarreforma ideolóxica que representan a LOMCE ou Lei de taxas xudiciais. Como parte das reivindicacións tamén estará a esixencia de reformar da normativa hipotecaria para pór fin ao drama dos desafiuzamentos e lograr a dación en pagamento.
A convocatoria foi presentada polos secretarios xerais da CIG, Suso Seixo; de UGT, José Antonio Gómez e CCOO, Xosé Manuel Sánchez Aguión, así como por representantes doutras organizacións integrantes na Alianza.
O secretario xeral da CIG, Suso Seixo denunciou que todas as medidas que se veñen impoñendo, lonxe de axudar a saír da crise, teñen provocado un incremento do desemprego, da precariedade e da exclusión social e lembrou que as previsións para os próximos anos non permiten tampouco ser moi optimistas.
Alén diso, subliñou que o PP está a proveitar a crise para introducir o modelo ideolóxico “da dereita máis reaccionaria do Partido Popular”. Un modelo que cualificou de “inxusto, clasista e centralista”.
A modo de exemplo, sinalou o Anteproxecto de Lei Orgánica de Mellora da Calidade Educativa (LOMCE), do que dixo que favorece o ensino privado-concertado mentres castiga o público, favorecendo a quen ten máis poder económico e co obxectivo de restar competencias ás comunidades autónomas.
Do mesmo xeito, subliñou que as reformas que se pretenden introducir na xustiza nada teñen que ver coa crise. “Teñen tamén o obxectivo de dificultar o acceso a ela por parte das persoas máis desfavorecidas, facendo a xustiza máis elitista e clasista”, dixo.
Ante esta situación, o secretario xeral da CIG denunciou o retroceso non só das condicións laborais e sociais da poboación, senón tamén dos dereitos e liberdades. Alertou de que se no estado español non medran as forzas de extrema dereita no estado español, como ocorre no resto dos países da periferia europea máis afectados pola crise, é porque “están dentro do PP” e apuntou os “tics típicos da época franquista” que se poden apreciar claramente na LOMCE: desde os ataques ás linguas propias até o relevante papel que se lle confire no ensino á igrexa católica, favorecendo ademais aos sectores económicos máis poderosos e acomentendo un proceso de recentralización sen precedentes nos últimos 30 anos.
As mobilizacións previstas son:
A CORUÑA19:30Delegación do Goberno
FERROL19:30Edificio da Xunta
SANTIAGO19:30Praza Galiza
BARCO VALDEORRAS20:00Praza do Concello
LUGO20:00Praza Armañá
BURELA20:00Praza da Mariña
MONFORTE19:30Praza de España
OURENSE19:30Subdelegación do Goberno
PONTEVEDRA19:30Subdelegación do Goberno
VIGO20:00Museo de Arte Contemporánea
VILAGARCÍA20:00Praza Galiza

Multiples accions dos funcionarios publicos na Galiza.

As mobilizacións están convocadas polas distintas Xuntas de Persoal e os comités de empresa
O persoal das administracións públicas está chamado a mobilizarse, este xoves día 20 de decembro, para denunciar a retirada da paga extraordinaria e na defensa dos dereitos laborais e dos servizos públicos, tal e como veñen facendo nos últimos meses. As concentracións e actos previstos están convocados polas Xuntas de Persoal e os comités de empresa.
2012 09 27 ProtestaAreaPublicaOurense01
No sector de xustiza a plataforma en defensa da xustiza pública convoca, ademais, un apagón informático ás 11:00 nos distintos centros de traballo -xulgados, audiencias...- e concentracións simultáneas.
Entre os actos máis salientábeis cómpre sinalar que no sector da administración do Estado, na Coruña, alén das concentracións que se veñen mantendo, diante dos centros de traballo, ás 11:00 horas cantarán panxoliñas nunha concentración diante da Delegación do Goberno. A Xunta de Persoal da AEAT ten programada para ese día unha doazón de alimentos na cociña económica.
No sector de administración local, tamén na Coruña, Xunta de Persoal e Comité de Empresa convocaron unha folga de 2 horas, entre as 11:00 e as 13:00 horas, coincidindo cunha concentración, diante do concello, na que se agarda que o punto álxido de afluencia sexa contra as 12:00 horas. En Compostela, tamén está convocada unha folga de 2 horas, entre as 12:00 e 14:00 horas, cunha rolda de prensa previa, ás 11:30 horas, na sala de prensa do concello, seguida dunha concentración na Praza do Obradoiro, chocolatada con churros e entrega de octavillas polas rúas.
O sector da administración Autonómica –Xunta de Galiza ten convocado:
-A Coruña: concentración ás 11:30 horas, no edificio administrativo de Monelos, entrega de sinaturas no rexistro con presenza do Apalpador e brindes recortados. Convocan Xunta de Persoal e Comité de Empresa.
- Lugo: No edificio administrativo da Xunta, está prevista unha entrega de sinaturas pola recuperación da paga extra.
-Compostela: concentración ás 11:30 horas, diante do edificio administrativo de San Caetano, diante da cafetaría, convocada pola Xunta de Persoal e o Comité de Empresa.
-Ferrol: haberá unha entrega solidaria de alimentos.
- Pontevedra: de 9:30 a 14:30 horas, doazón de sangue na praza entre o edificio administrativo e o edificio de Facenda. Convoca a asemblea de traballadores/as

Por Palestina !





Benqueridas, benqueridos:
BDS (Boicote, Desinvestimento, Sancións) está a promover unha campaña en contra das reiteradas violacións do dereito internacional e o absoluto desprezo que Israel manifesta polas innumerábeis Resolucións das Nacións Unidas que condenan as súas políticas coloniais, discriminatorias e ilegais. Entre estas actividades está un manifesto asinado por xente da cultura. Se sodes traballadoras e traballadores das artes escénicas, a música, a literatura, o audiovisual, o xornalismo e as artes plásticas e estades de acordo co manifesto, podedes asinar aquí:

Manifesto e sinaturas:
www.saramaganta.tk
E se podedes reenviar o enlace a xente que consideredes que lles poda interesar, estupendo.
Saúdos por Palestina

quarta-feira, 19 de dezembro de 2012

Contra ás taxas xudiciais do goberno do PP.

"As taxas xudiciais pode provocar que a xente acabe tomando a xustiza pola man"

 
14/12/2012
 
O xuíz Luís Villares vén de retornar ao posto de coordinador territorial de Xuíces para a Democracia en Galicia. Faino nun momento no que este colectivo, ubicado no sector máis progresista da xudicatura, xunta forzas co resto de asociacións profesionais para facer fronte común contra a lei de taxas xudiciais. O proxecto abandeirado polo ministro Alberto Ruíz-Gallardón é para Villares un ataque aos "dereitos fundamentais" que trae consigo un retorno "ao século XIX" ao condicionar o acceso á Xustiza en función dos recursos económicos de cadaquén.

A reforma de Ruiz-Gallardón establece unha "xustiza para ricos" e outra "para pobres"?

Para nós é absolutamente evidente dende o comezo e agora que se consolida como texto legal, máis aínda. A xustiza xa non era gratuíta, xa tiña unha serie de custos, porque hai que acudir ao avogado e ao procurador, moitos procedementos requiren informes periciais... A imposición dunhas taxas supón unha difucultade engadida que, dende o punto de vista dos dereitos fundamentais, supón vulnerar o dereito constitucional á tutela xudicial efectiva, a que todo o mundo poida ver ante un tribunal os asuntos nos que considera que se ventila algún dos seus intereses. Isto é un dereito fundamental e o sistema de taxas que se nos vén enriba o que fai é condicionalo absolutamente e limitalo.

Ten sentido xurídico tentar “disuadir” a cidadanía de acudir á xustiza pola vía económica?

As taxas teñen un carácter disuasorio e é algo absolutamente inaceptable, porque buscan que a xente non exercite os seus dereitos. Nin sequera é un copagamento, é un repagamento porque a Xustiza se financia a partir dos impostos. Ademais, a desproporción que hai entre determinadas taxas e dereitos fai que, na práctica, determinados dereitos non se vaian exercer nunca máis. Esta o caso real de que recorrer unha multa de 100 euros custe 200, pero hai máis: o dereito a que unha sentenza sexa revisada por un xulgado de apelación supón 800 euros, é unha barbaridade. Xa só isto xustificaría a derrogación da lei. Nós ademais temos outro temor: que este sistema aumente a conflitividade social, no sentido de que moitos asuntos que ata agora ían aos tribunais van producir un enconamento nas posicións de conflito entre partes que acaben resolvéndoos por medios menos razoables. Falo de que a xente tome a xustiza pola man. En lugar de contribuír a modernizar, vai causar máis problemas e tamén máis fraudes. Haberá quen pretenda levar asuntos pola vía penal para evitar taxas. Estamos falando por exemplo de accidentes imprudentes de tráfico, que ata agora se levaban como procedementos civís e agora se poden pretender levar como faltas.
Cal é a vía contra a saturación de traballo?
A maneira de solucionar isto é establecer medios alternativos de resolución de conflitos: as arbitraxes, as conciliacións, as mediacións... teñen que funcionar. Na vía contenciosa [procedementos contra a decisión dunha Administración], por exemplo, teoricamente é admisible a mediación pero non hai unha soa administración que apodere os seus representantes xurídicos para levar actividades de mediación. Estes servizos de mediación tampouco están desenvolvidos no ámbito penal, no que só funcionan nalgúns casos. Isto é o o que esquecen cando nos comparan con Europa, porque noutros países teñen un sistema alternativo moito máis desnvolvido. En Francia, por exemplo, a conciliación a mediación e a arbitraxe están moi desenvolvidas.
Rexeitan as taxas xudiciais en todo caso ou este sistema en concreto? Podería haber unhas taxas acaídas?
Nós defendemos que a imposición de taxas, pola incapacidade económica do suxeito litigante, non é algo desexable. Nun momento impuxéronse para as persoas xurídicas en función súa importanica económica. Nós non fomos partidarios e imos seguir sen selo, tampouco se as taxas son proporcionais á capacidade económica de quen litiga. Aínda que un teña capacidade económica ten un dereito fundamental e non hai por que limitarllo. Estamos falando dun servizo público, non pode aspirar a autofinanciarse porque é un poder do Estado que, ademais, controla os outros dous poderes.
Di o ministro de Xustiza que os xuíces, como os avogados, están a defender “intereses corporativos”...
Iso, evidentemente, é que non ten ningún argumento. Hai tempo que se lle acabaron os argumentos e anda con infundios. A proba clarísima de que falta á verdade é que, por exemplo, a xuíces e maxistrados teoricamente beneficiaríannos as taxas, porque reducen o número de procedementos e a carga de traballo. Pero somos profesionais preocupados pola defensa dos dereitos fundamentais, aínda que para nós sexa máis traballo. Como poder do Estado, nos causa un problema sobre a concepción do poder xudicial volver á Xustiza do século XIX. Ademais, neste caso non é unha cuestión dunha opción ideolóxica, porque todos estamos dacordo.


Por todo isto, cre que prosperaría un recurso de inconstitucionalidade contra esta lei de taxas?
Nós cuestionamos abertamente a constitucionalidade desta lei e o Goberno, na propia exposición de motivos, xa fala disto. Cando fala disto sen que ninguén lle pregunte xa deixa en evidencia cales son os seus puntos febles. Eles saben perfectamente que vai ser declarado inconstitucional porque está comprometido o dereito de tutela xudicial efectiva. Só está por ver o que di o Tribunal Constitucional, que xa ten advertido que impoñer garantías ou trabas excesivas para accder ao procedemento ou aos recursos xudiciais vulnera a Constitución.

Orixinal: Praza Pública
David Lombao

sexta-feira, 14 de dezembro de 2012

Temos recibido a seguinte denuncia dos traballadores e traballadoras da fotocopiadoras da USC.

 
 
 
 
JULIO PICALLO, dono de varias empresas de esta cidade e dalgunha outra, non paga as nóminas dos seus empregad@s tanto presume do que ten e tan alto nivel e non paga (e non porque non poida senon porque non quere).

¡¡¡¡¡¡¡QUE VERGOÑA!!!!!!!! el non a ten.

Os traballadores de MAXIN S.L.U. (Fotocopiadoras de USC) non cobran as suas nóminas (e ainda ten a cara de dicir que non vai pagar).

Somos 22 traballadores, dos cal 96 % temos fillos e o noso salario en moitos casos, e o unico ingreso que entra nas nosas casas.

Nosos fillos necesitan comer, e para iso, nós cobrar. Seguimos traballando como exclavos e sen cobrar..........HASTA CANDO?

quinta-feira, 13 de dezembro de 2012

Manifestación nacional en Pontevedra.








Pontevedra acollerá, o vindeiro sábado día 15 de decembro, una manifestación convocada pola CIG para denunciar a represión sindical, coa que se busca criminalizar a resposta ás políticas do PP; a reforma do Código Penal que prepara o goberno de Mariano Rajoy, que pretende tipificar como delitos accións que antes non tiñan esa consideración e a lei de taxas xudiciais que dificulta o acceso ao dereito fundamental á tutela xudicial efectiva. A manifestación sairá ás 11:30 horas da Praza da Ferrería. (CIG)

Memoria histórica.



Presentaci​ón do libro de Carlos Velasco "Franquism​o serôdio e transióm democrátic​a na Galiza (1960-1981​). Xoves 20 de decembro de 2012, ás 20'00 h. na Casa Museo Casares Quiroga (rúa Panadeiras​, s/n, A Coruña

quarta-feira, 12 de dezembro de 2012

CONTRA OS BANCODELINCUENTES !

Miles de persoas afectadas pola estafa bancaria das chamadas "preferentes" e outros toxicos, de todolo pais, manifestaronse na Coruña nunha nova xornada de protestas contra a banca e contra os políticos responsables da impunidade deste roubo dos aforradores e aforradoras galegas.
A Coruña en Loita e outros colectivos respaldamos a sua xustas demandas e amosamos publicamente noso compromiso coa sua loita.




Imaxes Cesar Quian na VdG.

quinta-feira, 6 de dezembro de 2012

Concello gobernado polo PP fai burla dos dasafiuzamentos.

Da paxina de 15 M Monte Alto.

Hoxe pola mañán asistimos vari@s compañeir@s ao pleno do concello da Coruña, pois fóramos advertidos pola Plataforma de Afectados pola Hipoteca de que se ían votar varias mocións relacionadas cos desafiuzamentos.
Compartimos e suscribimos o resumo que, dende Stop Desafiuzamentos, elaboraron, e que é o seguinte:
Hoy a la mañana hemos observado de nuevo un gran escándalo procedente del salón de plenos del Concello, hemos visto como ante la presentación de 3 mociones sobre el grave problema de los desahucios, el grupo municipal popular ha presentado, media hora antes una moción propia puramente nominativa y que quisieron utilizar y utilizaron como lavado de cara propio ante esta gravísima problemática social.
 
Nos hemos encontrado con la señora Rosa Gallego riéndose ante el debate, viendo su gran interés desarrollado en el tema. Por otro lado hemos visto unas grandes falacias saliendo de la boca de Miguel Lorenzo, ese señor del que cada vez una mayor parte de la base social coruñesa sabe de sus oscuros tejemanejes con entidades financieras que desahucias a ciudadanos que fueron atropellados por la grave situación económica. Por ello:
 
- Afirmamos que es una falacia el afirmar que los desahuciados tengan disponibilidad de los servicios jurídicos municipales.
 
- Negamos la libre disposición de fondos municipales por parte de los desahuciados como ayudas de emergencia, puesto que el señor Quintela solo las concede cuando es presionado con lo único que teme, que se saque a los medios y se dañe su imagen pública que tanto le interesa.
 
-El desconocimiento de la legislación por parte de los concejales del grupo popular asusta (su desconocimiento o su nula disposición a conocerlo), ya que afirman que no existen mecanismos de ayuda a las familias a nivel local, lo que nos hace plantearnos que no conocen ni la Lei de Servizos Sociais ni el propio funcionamiento de los Servicios Sociales municipales.
 
-Agradecemos al grupo popular que por fin se quite la careta y diga esas tonterías que dijo hoy, así sabemos cual es su punto de partida inicial.
 
- Reiteramos y seguiremos reiterando la necesidad y nuestra disposición a hablar con el grupo municipal popular siempre y cuando tenga, dicha reunión, una finalidad clara de trabajo.

segunda-feira, 3 de dezembro de 2012

Na Coruña ás 12:00 diante dos xulgados !

2012 11 30 FolgaFameEvencio

A CIG convoca concentracións o martes 4 de decembro diante dos xulgados en contra da represión sindical

A folga de fame de Pontevedra cumpre unha semana e mañá sábado tomarán o relevo as compañeiras Lucía Freire e Sefi Romero
A CIG ten convocadas concentracións o vindeiro martes, 4 de decembro, diante dos xulgados das distintas cidades galegas para denunciar os intentos de criminalizar a contestación social aos recortes, de rexeitamento á reforma do Código Penal que prepara o PP, así como para amosar a repulsa ás novas taxas xudiciais impostas polo Goberno español. As protestas enmárcanse na campaña que a central nacionalista está desenvolver contra a persecución e represión sindical, concretada na folga de fame que a CIG está a desenvolver dende hai unha semana en Pontevedra contra a condena a prisión a tres sindicalistas.
A sétima xornada da folga de fame promovida pola CIG continúa recibindo mostras de solidariedade e na xornada deste venres, alén de avanzar na recollida de sinaturas, achegáronse a dar o seu apoio aos folguistas o alcalde de Carballo, Evencio Ferreiro, a eurodeputada Ana Miranda ou a deputada do BNG, Ana Pontón.
Así mesmo, seguen chegando comunicados solidarios de Comités e centrais sindicais e entre eles recibíronse telegramas de parte da Central Obreira Galega (COG), da Sección Sindical de Novagalicia Banco, do Comité de empresa de Mediterránea de Catering, Comité de Traballo e Benestar da Coruña, a Sección Sindical da CIG na empresa FCC-Vigo, da Xunta de Persoal Funcionario e Comité de Empresa dos Servizos Centrais da Xunta de Galiza, o Comité de Empresa do Departamento Territorial da Consellaría do Medio Rural e do Mar de Ourense, e os Delegados/as da CIG no Comité de Empresa da Consellaría de Medio Rural na provincia de Pontevedra e da Asociación Cultural "A Revira".
Para a xornada do sábado está previsto que visite a caravana da CIG, a partir das 11:30 horas, o actor Luís Tosar e os artistas gráficos Pepe Carreiro e Xosé Lois “O Carrabouxo”. Pola tarde, logo das 17:00 horas, achegarase até Pontevedra o Vicepresidente da Deputación de Lugo, Antonio Veiga.
Así mesmo, está previsto que o vindeiro martes os membros do secretariado da UITBB se acheguen até Pontevedra para solidarizarse cos folguistas e posteriormente dar unha rolda de prensa, ás 12:30 horas, para presentar as concluisión das xornadas internacionais que se celebran en Vigo.

Cambio de quenda
No mediodía do sábado tamén se producirá o cambio de quenda na folga de fame e serán as compañeiras Sefi Romero, Secretaria de Organización da CIG-Banca, e Lucía Freire, da Executiva Comarcal da CIG de Compostela, quen darán o relevo ao Secretario Comarcal da CIG da Coruña, Paulo Carril, e o responsábel nacional de Mar da CIG, Xabier Aboi, que levan sen inxerir alimentos dende as doce da mañá do xoves.

Contra a criminalización da resposta social
A folga de fame comezou o pasado día 23 e desenvolverase en quendas de 48 horas até o vindeiro 15 de decembro, data na que está convocada unha manifestación polo centro da cidade. A protesta responde a unha condena inxusta e claramente ideolóxica e política. A sentenza que condena a tres anos e un día de prisión aos dous membros da CIG e a un de CCOO por participar na folga do comercio de alimentación convocada na provincia en 2009, está datada o mesmo día do xuízo, o cal amosa que o proceso era un trámite e que o xuíz xa tiña tomada a decisión previamente.
Esta circunstancia revela o carácter ideolóxico e político dunha decisión que busca reprimir e dar un escarmento a todos aqueles compañeiros/as sindicalistas que participan en piquetes e que teñen unha actitude activa ante os conflitos dos traballadores/as. É un intento por criminalizar a contestación social aos brutais que está a padecer a clase traballadora no contexto da crise.
 

sábado, 1 de dezembro de 2012

SOLIDARIEDADE CO POBO DE BARILLAS.

 
 
 
Compartimos un artígo de Máximo Ba Tiul (Maya Poqomchi, antropólogo, docente universitario, columnista de Prensa Libre, investigador, escritor e analista desde a perspectiva maya.) que aborda a situación socio política de Guatemala, marcada principalmente por un goberno de carácter militar, e os nuevos retos que a mesma xenera, tanto para as comunidades e movementos sociais de Guatemala como para a cooperación internacional. Resulta así un documento especialmente interesante para as ONGD que traballamos en Guatemala.
Agur bero bat,

Campaña contra os desaiuzamentos na Galiza.


Desde diversos colectivos populares do país estanse á preparar unha campaña nas comarcas contra o terrorismo dos banco delincuentes. Ainda que a data esta sin concretar falase de finais de decembro. A Coruña en Loita fai un chamado a fortalecer a loita contra os desafiuzamentos na nosa cidade e comarca e a toma de medidas concretas dos bancos ou sucursais que as realicen; retirada de cartos en efectivos, peches das contas, piquetes diarios, peches nas oficinas dos afectados e afectadas. Que ninguen se atope só frente aos banco-terroristas !

Interesante propuesta da compañeira Monica Montero

Galicia: Casa con alquiler cero en Arteixo

Logran que les cedan pisos si asumen los gastos de mantenimiento

 
El piso donde reside Mónica en Arteixo tiene dos habitaciones, comedor, salón, cocina y dos cuartos de baño. Supera las dimensiones de un pequeño apartamento y podría vivir perfectamente una familia. Pero la peculiaridad de este inmueble no reside en sus características, lo mejor de todo es que no paga ni un euro por vivir en él. Hace algo más de un mes que firmó con la propietaria un contrato de cesión del piso, una modalidad que con los tiempos que corren supone una auténtica revolución. A cambio, Mónica Montero se compromete a pagar las gastos como las facturas de la luz, agua, teléfono e Internet. También la comunidad, la tasa de la basura y el alcantarillado, al igual que la contribución catastral. Ha firmado hacerse cargo de la reparación del parqué y se comprometió a eliminar todos los muebles y electrodomésticos inservibles que había en la vivienda. Todo con el fin de que mantenga el piso en óptimas condiciones, y que intente llevar una convivencia respetuosa y cordial con el resto de los habitantes del edificio. Algo que visto lo impoluto que tiene la casa, no le será difícil cumplir: «Son un pouco especial para iso», reconoce.
Podrá vivir en el inmueble hasta cinco años, pero la propietaria se reserva el derecho a ponerlo en venta y si lo necesita «por motivos xustificados». Será entonces cuando deberá abandonarlo, pero siempre a partir del segundo año. Eso sí, dándole tiempo suficiente para encontrar nueva vivienda.
En la cara de esta antropóloga en paro hay algo más que tranquilidad por tener un techo más que digno. Quizás el reconfortante sentimiento de que todavía hay gente capaz de ayudar al vecino sin sacar rédito por ello. La idea surgió hace unos meses en la Asamblea Aberta de Arteixo, cuando decidieron cultivar una finca comunitaria y comenzaron a trabajar los montes: «Se funcionaron as leiras, ¿por que non probar coas casas?», dijo.
A Elisa García, una de las integrantes de la asamblea, le ofrecieron un piso a través de una conocida. Lleva cerca de tres años en paro y tuvo que malvender su casa para saldar la hipoteca y quedarse sin deudas. Es arquitecta técnica y el ladrillo está como está, así que cuando le ofrecieron un piso a cambio de mantenerlo habitable, en buenas condiciones y de pagar los gastos, vio el cielo abierto: «Si me lo cuidas y me pagas los gastos, no te voy a cobrar nada», le dijo su casera. A raíz del éxito de su compañera, Mónica se animó y puso un anuncio en Facebook. Contactó con ella la que es su casera, y hasta hoy. La iniciativa ha tenido tanto éxito que ya tienen una casa en Crecente, en Pontevedra, con finca. Según cuenta Montero, solo por limpiar la finca la propietaria gasta 400 euros al año. Así que está encantada con la iniciativa: «Hai moita vivenda valeira, que produce gastos e a xente está na rúa», explicó. Cuentan ya con varios aspirantes para este inmueble. Una de ellas es una mujer embarazada que también está en paro. Además, están negociando con los propietarios otras dos casas que todavía no han visto. Sobre los contratos que firman, Montero explica que son totalmente legales porque cuentan con un asesor inmobiliario.
Un eslabón esencial en toda esta cadena de solidaridad es Sandra Albertos Figueroa, que tiene una droguería familiar en Arteixo y les fía materiales de construcción y limpieza para que vayan arreglando el inmueble: «Doulles crédito e van pagando como poden», reconoce. El siguiente paso es la creación de una asociación. No quieren limosna pero sí ayudar a la gente: «Isto tamén é unha forma de facer política. Pero da boa», puntualizan mientras cierran la puerta del nuevo hogar.
«Hai moita vivenda baleira que produce gastos e a xente está na rúa»