Os funcionarios de xulgados protestan contra os recortes.
La Opinión de A Coruña

Os funcionarios dos xulgados da Coruña sumáronse onte ás protestas emprendidas en toda Galicia para protestar polos recortes da Xunta. Os manifestantes, que xa protestaran en anteriores ocasións durante o pasado mes, concentráronse fronte ao edificio dos xulgados e mostraron pancartas en defensa dos servizos públicos á vez que criticaban as medidas emprendidas polo Goberno autonómico de Alberto Núñez Feijóo. A manifestación estivo vixiada por axentes da Policía Nacional, aínda que a actitude dos funcionarios foi pacífica e non houbo incidentes.